ಜನ ಲೋಕಪಾಲ ನಿಯಮ - ಅಣ್ಣ ಹಜಾರೆ

ಲಂಚ ಕೋರರು ಮೆರೆವ ಸಡಗರ
ವಂಚನೆಯು ತಾರಕವನೇರಿರೆ
ಕೊಂಚವೇ ನಿರ್ಭಿಡೆಯು ಜನರಿಗದಿಲ್ಲವೇನಕಟ ||
ಸಂಚು ಮಾಡಿಹ ಕಳ್ಳ ಕೊರಮರ
ಹೊಂಚಿ ದೋಚುವ ಹೀನ ಮನುಜರ
ನಂಚಿನಿಂ ಬಂಧಿಸಲದಾಶಿಪ ಸಾಸಿರೆಗೆ* ನಮನ || ೧ ||

ಸಾಕು ಸಾಕೆಂದಾದ ಸಮಯದಿ

ಲೋಕದುನ್ನತಿ ಶೋಕಿಸುತಲಿರೆ

ಮೂಕದನಿಗಳಲುದಯಿಸಿದನೀ ರಂಧ್ರದೊಂಗಿರಣ ||

ಲೋಕಪಾಲದ ನಿಯಮ ಜನತೆಯ

ಬೇಕು ಬೇಡಗಳನಳವಡಿಸಿರೆ

ಹಾಕಲಿರುವುದು ಹುಚ್ಚು ಕುದುರೆಗೆ ಭಯದ ಕಡಿವಾಣ || ೨ ||

*ಸಾಸಿರೆ = ಹಜಾರೆ :-)

[ಇಷ್ಟವಿದ್ದವರು ಇದನ್ನು ಇನ್ನೂ ಮುಂದುವರಿಸಿ - ಸಾಕಷ್ಟು ಬೆಳೆಸಬಹುದು]

- ರಾಮಚಂದ್ರ